razole

పరిచయం

పచ్చని చేలు , చుట్టూ కొబ్బరి చెట్లు , పంట కాలువలు వాటిని ఆనుకొని పంట బోదెలు ఎక్కడ చుసిన పచ్చదనం కనువిందు చేసే అందమైన దృశ్యాల మద్య ఉన్న ఓ చిన్న పట్టణం రాజోలు. ఇతర ప్రాంతాల నుండి వచ్చిన వారు దాహంగా ఉందని మంచినీళ్ళు అడిగితే, మజ్జిగ ఇచ్చే సాంప్రదాయం ఉన్న ప్రాంతం రాజోలు అంటే అతిశయోక్తి కాదు. ఈ ప్రాంతం నుంచి ఎందరో ప్రముఖులు దేశ వ్యాప్తంగాను , రాష్ట్ర వ్యాప్తం గాను పేరు ఫ్రఖ్యతులు సాధించారు. సినిమా పరిశ్రమ లో అయితే ప్రముఖ దర్శకులు ఆదుర్తి సుబ్బారావు, కట్టా సుబ్బారావు , యువ దర్శకుడు సుకుమార్ తదితరులు కాగా, ప్రస్తుతం బిజీ హిరోయిన్ గా ఉన్న అంజలి, హేమ, హిరో కృష్ణుడు ,కమెడియన్ ప్రవీణ్, ప్రఖ్యాత సంగీత విద్వాంసుడు మంగళంపల్లి బాల మురళీకృష్ణ, సంగీత దర్శకుడు సత్యం ఇంకా ఎందరో కెమెరామాన్ లు గాను , ఫైట్ మాస్టర్ ల గాను ,ఎడిటర్ ల గాను చిత్ర సీమ లో పేరు గడించారు. షూటింగు లకు నిలయమైన రాజోలు ప్రాంతం లో సినిమా తీస్తే కచ్చితంగా హిట్టేనన్న నిజం చాల సినిమాలతో నిరూపితమైంది. రాజోలు ప్రాంతం విహార ప్రాంతంగా కూడా ప్రసిద్దికెక్కింది. చూడ చక్కని ఎన్నో ప్రదేశాలతో పాటు అంతర్వేది శ్రీ లక్ష్మినరసింహ స్వామి ఆలయం, కడలి కపోతేశ్వర స్వామి ఆలయం, శివకోడు శివాలయం వంటి ఆధ్యాత్మిక ఆలయాలతో పాటు, సేద తీర్చుకోడానికి దిండి రిసార్టు , రాజోలు( సోంపల్లి )లో ఉన్న పొదరిల్లు రిసార్టు ఎంతగానో ఉపయోగ పడుతున్నాయి. మహాత్మా గాంధి బస చేసిన ఇల్లు నేటికి గాంధిహౌస్ గా పిలవబడుతూ మహాత్ముని గౌరవాన్ని కాపాడుతున్న ప్రముఖ న్యాయవాది డాక్టర్ పొన్నాడ హనుమంత రావు రాజోలు పట్టణవాసుడే. ఎందరో కల్మషం లేని రాజకీయ నాయకులకు కూడా రాజోలు ప్రాంతం నిలయం. స్వాతంత్ర పోరాటం లో అధికశాతం ప్రజలు ఉద్యమం లో పాల్గొన్న ప్రాంతం రాజోలు గానే చెప్పుకుంటారు. రాజకీయ చైతన్యానికి రాజోలు దిట్ట. ఇక్కడ ఏ పార్టి అభ్యర్ది గెలిస్తే అదే పార్టి రాష్ట్రంలో అధికారం లోకి వస్తుండడం ఆచారంగా ఉంది. ఇక్కడ చరిత్ర మనుష్యలు మంచిదనం ఒక ఎత్తయితే, అద్బుతమైన అందమైన రాజోలు ప్రాంతాన్ని చూడడం మంచి అనుభూతి. ఈ అనుభూతి, ఆనందం మీరు అనుబవించాలనుకుంటే మీరు " రాజోలు "తప్పక చూడాల్సిందే...